[color=blue]لـي مبـدأ ولـي نظـرة تحكمني قناعـاتي
أحاسيسي حقيقـه ثابته بالوصل والهجران
أنا طبعي اذا حبيت .. أحب بكل حـالاتي
منادي والندى نابع من الوجدان للوجدان
إذا ما ينطق احساسي حديثي يشبه سكاتي
غموضي في الهوى تصريح وسره يفضح الكتمان
ونظـرات الوله والوجد هي أجمل عبـاراتي
ولا اجامل باحاسيسي ولا اقبل في الهوى احسان
ولا للمصـلحـه يـا سيـدي دور بعـلاقـاتي
ولو ألغي شعوري ما بقى لي صاحب ولا خـلاّن
أحب الصدق واعمل به كسبت او كنت انا الخسران
ولو صدقي يخسرني تشرفني خساراتي
ولو ينسى زماني ما نسيت الشوق والخلان
رفيق العمر لو يقصى معاناته معاناتي
على كثر الخطى غافر ولا اغفر غلطه الخوان
جزاه الصد والفرقا ولو عاندت رغباتي
ولو العفو ما اخطينا ولا نحيا بلا غفران
خطايانا دليل ان بشر وان الخطئ ذاتي
على صدر الزمن بكتب شعوري موعد وعنوان
تعرف الشوق لو صارحتك بسر ابتساماتي
هلابك يا أصدق شعور دخل قلبي بلا استأذان
هلابك يالنصيب اللي نثر وجهه على اوقاتي
وفتلك كل احاسيسي ولا بعد الوفاء نكران
وسمعي بالوفاء يحرس حروف الود بشفاتي
أحبك والهواء نعمه وحبك نعمه الرحمن[/color]