انافي داخلي طفل تعب من كثرة اصياحـه
اليا منه ذكر وجهـك دعـا الله لا يخلينـي
بدونك ياهنا عمري ومصدر حفلة افراحـه
حنانك اقسم بربـي عـن العالـم يكفينـي
حياتي مظلمه دونك وليلي كثـرة اشباحـه
من الوحشه احس انك من اشواقك تنادينـي
وريدي ماوسع حبك صعد للمـخ واجتاحـه
وصرت المدمن المعدم عسى الله لايشافيني
عمت عين الظرير اللي فقد شوفه ومصباحه
مثل ما عميت انظاري اذا ماغبت عن عيني
تخيل لو سهر طرفي وجافة جسمي الراحه
اغمض عيني واتخيل على صدرك تضميني
مدام ان القدر عاند واهدى قلبـي اجراحـه
وفرقنا على الدنيا عسى في خيـر تلقينـي
خذتني دنيتـي لعبـه وللااخطـاء مساحـه
وكن اخطاء ها العالم غريزه ثابتـه فينـي
بنيت احلام اخرها اخلـي دنيتـك واحـه
فضاها قلبي العاشق وبيتك فـي شرايينـ
اظنه ماخافاك الحال لانك صـدق لماحـه
وقلت الصدق ياعمري لعل الصدق ينجينـي
عسى لقياك في جنه بها الاطيـاب فواحـه
مدام ضروف ها الدنيا توقف بينك وبينـي
الجمعة سبتمبر 11, 2009 2:51 pm